ပါလက်စတိုင်းဟာ နိုင်ငံတည်ထောင်ဖို့ ကြိုးစားနေခဲ့ပေမယ့် ကုလသမဂမှာ အမေရိကန်နဲ့ အစ္စရေးတို့ရဲ့ ပိတ်ပင်ထားမှုကြောင့် အရာမထင်သေးဘူးဖြစ်နေပါတယ်။ ဒါပေမဲ့ ကုလသမဂလက်အောက်ခံအဖွဲ့ အစည်းတစ်ခုဖြစ်တဲ့ ယူနက်စကိုအဖွဲ့ကြီးကတော့ ပါလက်စတိုင်းကို မကြာမီက အဖွဲ့ဝင်အဖြစ် လက်ခံခဲ့တဲ့အတွက် အမေရိကန်နဲ့ အစ္စရေး ရဲ့ ရန်ပုံငွေထည့်ဝင်မှုရပ်တန့်ကာ ဒဏ်ခတ်အရေးယူမှုတွေကို ခံခဲ့ရပါတယ်။ ဒါကြောင့် ယူရိုသတင်းဝက်ဘ်ဆိုက်ဟာ ပါလက်သမ္မတ မာမွတ်အဘတ်စ်နဲ့ တွေ့ဆုံကာ ဒီ အကြောင်းတွေကို မေးမြန်းထားပါတယ်။ ယခုအဲဒီမေးမြန်းမှုတွေကို ပြန်လည်ဖော်ပြပေးလိုက်ရပါတယ်။

ပြီးခဲ့တဲ့ ဒီဇင်ဘာ ၄ ရက်က စတင်ခဲ့တဲ့ ရုရှားအောက်လွှတ်တော် ရွေးကောက်ပွဲတွေဟာ အတိုက်အခံတို့ဘက်က ကန့်ကွက်မှုတွေကိုပါ ဆူညံစေခဲ့ပါတယ်။ ရွေးကောက်ပွဲမှာ လက်ရှိအာဏာရပါတီ ယူနိုက်တက် ရုရှားကပဲ အမတ်နေရာ ထက်ဝက်ကျော်နဲ့ အသာစီးရခဲ့တာကြောင့် ယခင်သမ္မတဟောင်းဘ၀ကနေလက်ရှိဝန်ကြီးချုပ်တာဝန်ယူထားပြီး သမ္မတတစ်ကြိမ် ပြန်ဖြစ်ဖို့တာစူလာနေတဲ့ ကေဂျီဘီအေးဂျင့်ဟောင်း ပူတင်ရဲ့ အနေအထားကိုပါ သံသယဖြစ်စရာတွေပေါ်လာနေပါတယ်။ ဒါကြောင့် ရွေးကောက်ပွဲရလဒ် တွေမှာ မဲခိုးမှုတွေရှိခဲ့တယ်လို့ ယူဆခဲ့ရတဲ့ သန့် ရှင်းတဲ့ဒီမိုကရေစီစနစ်ကို ထောက်ခံသူ ရုရှားပြည်သူထောင်ပေါင်းများစွာဟာ မြို့ကြီးများမှာငြိမ်းချမ်းစွာကန့်ကွက်ဆန္ဒပြမှု တွေပြုလုပ်ခဲ့ကြပါတယ်။ လက်ရှိမှာ ရုရှားဗဟိုရွေးကောက်ပွဲကော်မရှင်က ယူနိုက်တက်ရုရှားပါတီဟာ အောက်လွှတ်တော်သစ်အတွက် အမတ်နေရာ ၄၅၀ မှာ ၂၃၈နေရာ အနိုင်ရထားကြောင်း ဒီဇင်ဘာ ၉ ရက်က ကြေညာ ထားသလို လက်ရှိသမ္မတ မက်ဗီဒက်ကလည်း ရွေးကောက်ပွဲမှာ မဲလိမ်၊ မဲခိုးမှုစွဲချက်တွေကို စုံစမ်းစစ်ဆေးသွားဖို့ အမိန့် ပေးထားကြောင်း ထုတ်ပြန်ထားပါတယ်။ ဒါကြောင့် အမည်ခံကွန်မြူနစ်စနစ်နဲ့ တစ်ပါတီနောက် ကြောင်း လှည့်သွားတော့မလား စောင့်ကြည့်ရပါတော့မယ်။ ဒါကြောင့်ပဲ
ဒီလိုအချိန်မှာ ဂျာမန်စပိုင်းဂဲလ်မီဒီယာက ယခင် သမ္မတဘောရစ်ယဲ့လ် ဆင်လက်ထက်မှာ လက်ထောက်ဝန်ကြီးချုပ်အဖြစ် တာဝန်ထမ်းဆောင် ခဲ့ပြီး လက်ရှိမှာ ရုရှားရဲ့ ထိပ်တန်းအတိုက်အခံနိုင်ငံရေးခေါင်းဆောင် ဘောရစ်နမ်ဆော့ဗ်နဲ့ မျက်မှောက် ရုရှားနိုင်ငံရေးမြင်ကွင်းအကျဉ်းကို သိရအောင် ရုပ်လုံးဖော်မေးမြန်းထားတာလေးကို ပြန်လည်ကောက်နုတ်ဖော်ပြပေးလိုက်ရပါတယ်။

ဥရောပ ဘဏ္ဍာရေးအကျပ်အတည်းဟာ မပြီးသေးတဲ့ ပန်းချီကားတစ်ချပ်လို ခပ်ဝါးဝါးဖြစ်နေဆဲပါ။ ဂရိ၊ အီတလီတို့လို နိုင်ငံတွေရဲ့ ဘဏ္ဍာရေးအကျပ်အတည်းတွေနဲ့အတူ ယူရိုငွေကြေး တစ်ရပ်လုံးပါယိုင်နဲ့လာချိန်မှာ ဥရောပဟာဘဏ္ဍာရေးအကျပ်အတည်းကနေ ဘယ်လိုလွတ်မြောက်အောင် ရုန်းထွက်မလဲလို့ အဖြေရှာတဲ့အခါ    ဥရောပရဲ့ အကြီးမားဆုံး စီးပွားရေးပိုင်ရှင် ဂျာမနီနဲ့ ပြင်သစ်လို နိုင်ငံတွေရဲ့ အကူအညီက အရေးအကြီးဆုံးပဲ လို့မြင်လာနေကြပါတယ်။ ဒီအချိန်မှာ ယခင် အီတလီဝန်ကြီးချုပ် ဟောင်းဖြစ်ပြီး ဥရောပကော်မရှင်ရဲ့ ဥက္ကဋ္ဌဟောင်းတစ်ဦးလည်းဖြစ်သူ ရိုမာနိုပရိုဒီကတော့ ဂျာမနီဟာ အကျပ်အတည်းအတွက် နောက်ဆုံးမှာ လုံးဝရပ်တည်ပေးရမှာဖြစ်ပြီး ဥရောပကြွေးမြီပြဿနာကိုဖြေရှင်းဖို့ ၎င်းရဲ့သတ္တိကိုလည်း ပြသရမှာဖြစ်တယ်လို့ဆိုပါတယ်။ ယခုဖော်ပြလိုက်တာက ၀န်ကြီးချုပ်ဟောင်း ပရိုဒီနဲ့ ဂျာမန်စပိုင်းဂဲလ်မီဒီယာတို့ရဲ့ အမေးအဖြေများမှ ကောက်နုတ်ချက်များပဲဖြစ်ပါ တယ်။

ယခုရက်ပိုင်းအတွင်း အရှေ့အလယ်ပိုင်းဒေသမှာ အစ္စရေးနဲ့ အီရန်တို့ရဲ့စစ်ရေးအရ ပြင်ဆင်မှုနဲ့ အပြန်အလှန်  ခြိမ်းခြောက်နေမှုတွေဟာ အာရုံစိုက်စရာဖြစ်လာနေပါတယ်။ မကြာသေးမီက ကုလသမဂ္ဂရဲ့ နိုင်ငံတကာအဏုမြူစွမ်းအင် အေဂျင်စီ (IAEA) ရဲ့ ထုတ်ပြန်ချက်မှာလည်း အီရန်ဟာ သိပ်မကြာခင်မှာပဲ နျူလက်နက်တစ်မျိုး ထုတ်လုပ်နိုင်တော့မှာ ဖြစ်တယ်လို့ ဖော် ပြခဲ့တဲ့ အတွက် အီရန်ရဲ့အနေအထားဟာ ပိုမိုအငြင်းပွားဖွယ်ဖြစ်လာနေပါတယ်။ ဒီအတောအတွင်း လုံခြုံရေးကောင်စီရဲ့ ဗီတိုအာဏာကိုင်စွဲခွင့်ရ အမြဲတမ်း အဖွဲ့ဝင်နိုင်ငံငါးနိုင်ငံမှ တစ်နိုင်ငံဖြစ်တဲ့ ရုရှားကလည်း အီရန်အပေါ် ကုလအရေးယူပိတ်ဆို့မှုအသစ်တွေကို ထောက်ခံမှာမဟုတ်ဘူးလို့ ပြောထားတဲ့အတွက် ရှုပ်ထွေးမှုတွေ ပိုများလာနေပါတယ်။ ဒါကြောင့် ဒီလိုအချိန်မျိုးမှာ ဂျာမန်စပိုင်းဂဲလ်မီဒီယာက   အီရန်နိုင်ငံခြားရေးဝန်ကြီး အလီအက္ကဘာဆလာဟီ(၆၂ နှစ်)နဲ့ တွေ့ဆုံမေးမြန်းထားပါတယ်။ ၀န်ကြီးဆလာဟီကတော့အီရန်ဟာ နျူဗုံးထုတ်နေတယ် ဆိုတဲ့အပြောတွေ ဟာ အနောက်တိုင်းရဲ့ ၀ါဒဖြန့်ချိမှုသာဖြစ်ပြီး တီဟီရန်ရဲ့ ရန်သူ တွေကိုလည်း အီရန်အပေါ် လျှို့ဝှက်စစ်ပွဲဆင်နွှဲဖို့ ကြိုးစားနေတာကို ရှုတ်ချလိုက်ပါတယ်။