အဆိပ်ချငါးဖမ်းမှုများပြားလာ

သံတွဲ၊ ဇန်န၀ါရီ-၁၁

ရခိုင်ပြည်နယ်၊ သံတွဲမြို့နယ်၊ ဂျိ တ္တောငါးဖမ်းဇုန်အနီးတွင် အဆိပ်ချငါးဖမ်းသူများပြားလာသဖြင့် ကျော့ပိုက်များငါးအရနည်းနေပြီး ရေရှည်တွင် သန္တာကျောက်တန်းများ ပျက်စီးကာ ငါးသယံဇာတရှားပါးလာနိုင်ကြောင်းရေလုပ်ငန်းရှင်များက ပြောကြားသည်။

အဆိပ်ချဖမ်းဆီးသူများမှာ ကျောက်ပုစွန်နှင့် ဈေးကောင်းရသော ကျောက်ငါးများကို အဓိကဖမ်းဆီးကြပြီး ၎င်းင်းဆေးများကြောင့် ကျော့ပိုက်များဖြင့် ဖမ်းဆီးသည့်နေရာသို့ ငါးများမလာနိုင်တော့ ဟု ဆိုသည်။ “သူတို့က ရေအောက် ကျောက်တန်းတွေရဲ့ အပေါ်ဘက် မှာ ကျောက်ချပြီးနေတယ်။ လှေပေါ်မှာ ရေငုပ်ကိရိယာတွေပါတယ်။ ရေငုပ်ပြီး
တော့ ငါး၊ ပုစွန်ရှိနိုင်တဲ့ ကျောက်တွေကို ပိုက်လုံးကနေတစ်ဆင့်ဆေးထည့်လိုက်တာ” ဟု ဂျိတ္တောမှ ရေလုပ်ငန်းရှင်ဦးသန်းနိုင်ကြီးက ပြောကြားသည်။

ယင်းကဲ့သို့ ဖမ်းဆီးမှုများမှာ ယခင်ကတည်းကရှိခဲ့သော်လည်း ယခုအခါ လှေစင်းရေ ၅၀ခန့်အထိ များပြားလာသဖြင့် ကမ်းနီးငါးဖမ်းလုပ်ငန်းတွင် အခက်အခဲဖြစ်လာကြောင်း သိရသည်။ ဆေးချခံရသည့် သန္တာကျောက်တန်းများမှာ ပျက်စီးသွားပြီး ငါးများခိုအောင်းနိုင်ခြင်းမရှိတော့ကြောင်း သိရသည်။ “အဲဒီဆေးအာနိသင်က ရေထဲမှာတော်တော် ကြာကြာနေနိုင်တယ်။ ရေစီးကြောင်းတွေအတိုင်း ပါသွားတတ်တော့ ငါးအုပ်တွေ မလာနိုင်တော့ဘူး”ဟု လုပ်ငန်းရှင်တစ်ဦးဖြစ်သူ ဦးစောမင်းထွန်းက ပြောကြားသည်။
၎င်းကိစ္စအား ခရိုင်ငါးလုပ်ငန်းဦးစီးဌာနသို့တင်ပြထားပြီး “ရေလုပ်ငန်းရှင်တွေကို ဒီအကြောင်းပညာပေးဟောပြောဖို့ စီစဉ်နေပါတယ်”ဟု ကျော့ပိုက်လုပ်ငန်းရှင်များအသင်း အတွင်းရေးမှူးဦးကျော်စိုးက ပြောသည်။

7daynewsjournal.com